လမင်းက
သူ့ ညလွှာရုံအလယ်
တိမ်တွေကွယ်လို့ စိတ်ကောက်နေသတဲ့
အလင်းမဲ့ စိတ်ကန့်လန့်ကာအတွင်းမှာလည်း
အတွေးတွေဟာ ကိုးယို့ကားယား
ဗျာများသလိုဖြစ်နေရဲ့။
ဟောင်းမြေ့မြေ့ ညနက်ထဲ
အားပျက်နေတဲ့ ကြယ်တာရာများက
စိတ်ပါသလို မပါသလို
မှောင်မလို လင်းမလို
အဲဒီလိုည
မလှမပ ညတွေတည်ရှိနေသရွေ့။
အိပ်မှုန်စုံဝါး အရုဏ်သစ်
သူ့မျက်နှာကို လှည့်ကြည့်ဖို့
အရှိတရားများစွာ
အသိတရားမျာစွာ
အရာရာကို ဖြည့်တင်း
ချစ်ခြင်းဂီတ ချိုမြမြ
ကြိုးညှိကြရအောင်ပေါ့။ ။
No comments:
Post a Comment